Khliehriat naitung 1: Ka jingpynlong ïa ka ‘Awareness Campaign’ ne ki pynshai paidbah kiba thmu ban kyntiew ïa ki kam pynroi ha ki thaiñ nongkyndong (Dharti Aaba Janjatiya Gram Utkarsh Abhiyan-DAJGUA) IEC kaba la sdang naduh ka 18 tarik Jylliew ha kylleng ki jaka ha East Jaintia Hills District ka la kut noh ha ka 30 tarik Jylliew.
Ha ka sngi pynkut la sakhi halor ka jingpynlong ia ka IEC Awareness Campaign ba la pynlong ha Khliehriat West (na ka bynta ki nongshong shnong ka Khliehriat West, Khliehriat East bad Deinshynrum) ki shnong kiba hap hapoh Wapung Block bad shnong Muallian ba hap hapoh Saipung Block.
Ha kane ka IEC Campaign kaba artaïew kynthih la sakhi ïa ka jingwanïashim bynta shithem da ki ophisar sorkar kiba mihkhmat ïa ki ophis jong ki Block Development Officers (BDO) bad Line Department kiba kynthup ïa ka Tnad Agriculture, Animal Husbandry & Veterinary, Fisheries, Social Welfare, Tourism PHE Departments, Health, Skill Development, bad kiwei pat kiba la ai ki jingpynshai sha ki nongwan ïashim bynta halor ki skhim bad ki jingshakri bapher bapher kiba kum ki nongshong shnong ki lah ban ïoh lyngba ki Tnad sorkar kaba kynthup ïa ka Pradhan Mantri Awas Yojana (PMAY), Indira Gandhi National Old Age Pension Scheme (IGNOAPS), PM-KISAN, Piggery Development Scheme, Goat Farming Scheme, Dairy Development Scheme, National Livestock Mission Entrepreneurship Development Programme, Kisan Credit Card (KCC) Scheme, Pradhan Mantri Matsya Sampada Yojana (PMMSY), National Fishery Development Programme (NFDP), Megha Health Insurance Scheme (MHIS), Pradhan Mantri Jan Arogya Yojana (PM-JAY), nalor kiwei kiwei.
Related Posts
Ka jingthmu kaba kongsan jong kane ka sienjam ka long ban pynïoh ïa ki jingmyntoi bad ban pynthikna ba yn ym don kawei ruh ka longïing ki trai shnong riewlum ka ban shah iehnoh shabar na kine ki hok lyngba ka sorkar.Hadien ba la pynlong ïa man la ki prokram ha kawei pa kawei ka jaka, ki ophisar ki la pynlong ruh ka jingïakren ïamir jingmut bad ki nongshong shnong ha kaba ïadei bad ki jingtip kiba bniah shaphang ki skhim bad ai ruh ki jingbatai kiba bniah ïa ki lad ki lynti na ka bynta ban ïoh ïa kine ki jingmyntoi.
Ha kane ka jingïalap la pyni ruh ïa ki tiar aijingtip jong ka IEC ha ka rukom jong ki banner ba la pyni da ki tnad sorkar kiba tyrwa ïa ka jingbtin lynti halor ki skhim bad ki prokram ba kongsan kaba kynthup ïa ka National Health Mission, Pradhan Mantri Gram Sadak Yojana, Jal Jeevan Mission (JJM), Samagra Shiksha Abhiyan (SSA), Pradhan Mantri Jan Arogya Yojana (PM-JAY), Deen Dayal Upadhaya Grameen Kaushalya Yojana (DDU-GKY), Skill India Mission, PM Matsya Sampada Yojanana (PMMSY), Skill India Mission, PM Matsya Sampada Yojanana (PMMSY), National Sickle Mission, Telecom Technology Development Fund, Financial Literacy bad kiwei kiwei.
Lah ban kdew ba ka jingïalap halor ka Dharti Aaba Janjatiya Gram Utkarsh Abhiyan (DAJGUA) ka dei ka jingthmu ban pynkylla ha ka roi ka par kaba neh ha ki thaiñ nongkyndong kaba thmu ban weng ïa ki jingduna kiba kongsan ha ka liang ki jingtei, ki jaka sumar, pule puthi bad ki lad kamai kajih.
ïa kane ka Abhiyan la pynlong shibynta ka jingrakhe ïa ka lyngkhuh sngi kha kaba 150 snem jong u Bhagwan Birsa Munda ia kaba la kynmaw burom ka ka Janjatiya Gaurav Varsh.