Shillong, Naiwieng 06 : Ka Round ba nyngkong (1st Round) jong ka lympung ïalehkai phutbol jong ka Mawkynrew Cup 2022-23 ka la poi noh sha kaba kut ha ka sngi Saitjaiñ ha madan ïalehkai jong ka shong Mawleiñ. Ha katei ka sngi la pynïalehkai ïa ki phra tylli ki team kaba dei jong ka Mawleiñ Zone.
Ki phra tylli ki team kiba la mih madan ha katei ka sngi ki kynthup ïa ka Mawleiñ SC pyrshah ïa ka Khwad SC ha kaba ka Mawleiñ SC ka la khur jingjop da kaba pynliem da 2-0 kol, ka Wahmawleiñ SC kaba la jop da 2-0 kol pyrshah ïa ka Laitmynsang FC, ka Mawlat SC ka la jop da kaba pynliem da 5-4 kol lyngba ka Tie Breaker pyrshah ïa ka Nongjrong SC bad ka Wahlakhiat FC ka la jop salit da 1-0 kol pyrshah ïa ka Synïasya SC.
