Nongpoh Risaw 07: Ka ophis u District Sports Officer, Ri-Bhoi District, Nongpoh kala pynkut noh ïa ka “2nd District Level Youth Exchange Programme 2023” halor ka mat “Building a Better World: Partnering with Youth” ïakaba la pynlong ha District Library Hall Nongpoh.
Ha kane ka prokram kaba ar sngi kynthih ba la ïoh ban sdang naduh ka 5 tarik mynta u bnai la sakhi ba ki samla kila wan ban shim bynta ha katei ka prokram ban ïa mir jingmut kumno ban pynkhlaiñ ïaki samla naka bynta ka lawei jong ka ri bad ruh haki jingïakop bapher bapher kaba kynthup ïa ka jingïakop dro bad airong, ka jingtem guiter, bad jingput ktien (flute), drama, ka jingïakop rwai tynrai bad shad, kyntip ktien, bad kiwei kiwei, ha kaba la wan ban shim bynta na 4 tylli ki Block na Ri Bhoi ba kynthup ïaka Jirang Block, Umling Block, Umsning Block bad Bhoirymbong Block.
Ha kane ka sngi ka jingpynkut noh u Giri Prasad Superintendent of Police Ri-Bhoi u la wna ban shim bynta kum u kongsan haka jingdonlang ka Kong Paidollyne L Nonglait DSEO Ri Bhoi, Eric Calvin Dkhar, ADC, Ka kong Darlin Marsharing, ka samla Jessica Lyngdoh ki nongrwai ba la paw ha ka jylla, u Bah Bobby Nongbet DSO Ri Bhoi lem bad kiwei kiwei ki ophisar bad ki samla kiba la wan ban shim bynta bad ki nongjop haki jingïakop bapher bapher bala pynlong ha kitei ki 2 sngi kin ïohlad pat ban mih khmat naka district sha ka state Level ka ban sa long shen ha nongbah Shillong.
