Nongpoh, Naiwieng 01: Ki pulit jong ka Jorabat Police Outpost mynta 01 Naiwieng haka por shiteng sngi kila ioh ban kurup kumba 2 lakh tyngka ka pisa thok ryngkat bad ka mashin shna pisa thok naka thaiñ 9 Mer Baridua.
Halor katei ka jingkurup pisa thok ki pulit kila ioh ruh ban kem ïa uwei u briew ba donkti ban shalan ïaki pisa thok bala tip kyrteng kum u Budhi Sambyo bad katkum ka jingtip bala ioh lum utei u briew u dei ruh u nongñiah kali jong ki pulit ka Arunachal Pradesh.
Halor katei ka bynta naka liang ki pulit ki dang pynlong ka jingtohkit ban lap shuh shuh ïa kiwei kiba donkti ha katei ka kam.
