Nongpoh, Risaw 27: Ki pulit jong ka nongbah Guwahati haka jingïalam u Partha Sarathi Mahant Joint Commissioner of Police, haka jingïatreilang bad ki pulit ka Jorabat hynne ka step kila ioh ban kurup kumba 2500 kilo u kynja (Ganja) bala song bha ha 32 tylli ki packet, na ka thaiñ Jorabat ba shongdor kumba 15 klur haka jingpynlong ka jingtalasi hadien ka jingioh jingtip kaba bñiah.
Katkum ka tyllong khubor naki pulit, la ïathuh ïa utei u kynja la ioh ban kurup na kawei ka trok kaba don ïa u number HR 38 T 2913 kaba dang mih na Manipur sha Guwahati bala thep bha haki byrni ryngkat bad u sying, bad naka liang ki pulit kila ioh ruh ban kem 2 ngut kiba donkti shalan ïa u kynja bala tip kyrteng kum u Ashok Kumar na Haryana bad u Bhupendra Singh na Uttarakhand,
Halor katei ka jingiohkem ïa kitei ki 2 ngut ryngkat u kynja naka liang ki pulit ki dang pynlong ka jingtohkit ban lap shuh shuh ïaki briew ba donkti ha katei ka kam.
