Shillong, Naitung, 30: Ki Pulit ka Bajengdoba Police Station kiba ïaid pahara ki la ïoh kurup kawei ka thuk thuk Pulsar 220cc rong iong ha ka sngi Baar ha ka por kumba 1:00 baje mynstep na ka thaiñ Merongdigre, ïa kaba la suba ba ka dei kaba la shah rong tuh.
Ha ka jingtohkit la lap ba kane ka thuk thuk ka la shah rong tuh na ka thaiñ Dudhnoi bad ïa ka case la register ha Dudhnoi Police Station hapoh ka Section 303(2) BNS.
Ïa ka thuk thuk la aiti noh sha ki Pulit ka Dudhnoi Police Station na ka bynta ban pynlong ïa ka jingtohkit kaba bniah.
Ki Pulit ka North Garo Hills District ki la kut jingmut ban pyndep hok ïa la ka kamram bad ban ïai bteng ban khynra ïa ka jingshah rong tuh ïa kali bad ban khanglad ki kam runar khnang ban pynthikna ïa ka shongsuk shongshngaiñ jong ki paidbah.
