Shillong, Risaw, 10: Ki shipai BSF jong ka 193 Battalion ha ka Lah Sngi u Blei ki la pynpulom ïa ka jingthmu jong ki snar khaïi be-aiñ kiba thmu ban shalan ïa ki tiar kiba shongdor 11 lak tyngka lyngba ka khappud jong ka East Khasi Hills District sha ka Bangladesh.
Ki snar khaïi tang shu ïohi ïa ki shipai BSF ki la iehnoh ïa ki mar khaii tuh shadien bad phet krad ïa lade da kaba shim kabu ïa ka jinglong jingman jong ka mariang bad ïa ka jingdum. Ïa ki mar khaii tuh ba la ïoh kurup la aiti noh sha ka ophis Custom ha Danger katkum ki kyndon jong ka aiñ.
