Khliehriat iaiong 16: Hapoh ka 24 kynta jong ka 15 tarik bad 16 tarik mynta u bnai ki shipai Border Security Force jong ka East Khasi Hills, ka West Jaiñtia Hills bads ka East Jaiñtia Hills District, ki la ioh ban kurup haduh 29 tylli ki masi na ki thaiñ khappud kiba thmu ban shalan ne khaiï beaiñ sha ri Bangladesh.
La ong ïa ki masi la pynpoi da ki trok hajan ki jaka ba khappud bad la pyn iaid na ki lynti khlaw ha ki thaiñ khappud Kum ha ki thaiñ Ratacherra, East Jaiñtia Hills District bad ki briew kiba pyniaid ïa kitei ki masi ki la ioh ban phet krad noh na kti ki shipai BSF kiba la pyrshang ban ap ktem bad kthong ïa ki hynrei ki shipai kim lap dien shuh.
Ia kitei ki masi, ki shipai ki kurup bad ki la leit ban aiti noh sha ki police outpost kiba don hajan.
