Shillong, Risaw 03: Ki shipai ïada khappud Border Security Force (BSF) jong ka 4 Bn ha ka 2 tarik mynta u bnai ki la ïoh kurup ki jaiñ ba shongdor haduh T.15 lak ba thmu shalan tuh sha Bangladesh.
ïa kine ki jaiñ la kurup na ki thaiñ khappud ka East Khasi Hills kiba don marjan bad ka ri Bangladesh.
Hadien ba ïoh jingtip na ka liang ki shipai BSF ki la pynlong ka jingtalasi bad haka jingtieng ki runnar ki la bret ïa ki jaiñ bad ki la phet sha ki bynta jong ki khlaw.
Haba ïadei bad kine ki jaiñ ba la ïoh kurup, na ka liang ki BSF ki la aiti noh ïa ki jaiñ shapoh ka Customs Office Pynursla na ka bynta ban leh ïa kaba donkam.
