Khliehriat, Jylliew 25: Ki pulit jong ka Ladrymbai Outpost lem bad ka kynhun pulit ANTF hynnin ka sngi ki la ioh ban kurup 59.86 gram u drok herion na kawei ka kali bolero kaba don u registration number AS 19 E 0671, ïa kane ka kali ki la ioh ban bat hajan Umtyra Infiltration check gate ha ka por kumba 7 baje mynmiet.
Haba la khynra ïa katei ka kali ha khmat ka jingdon lang ki briew paidbah, la lap hynriew tylli ki synduk sabon ba la thep da ki powder ba rong stem rong soh bad hadien ba la test la lap ba ki dei ki drrok herion ba la pyrshang ban khaïi beaiñ
Halor kane, ki pulit ki la kem noh ïa ki lai ngut ba la tip kyrteng kum u Altab Hussain, u Anwar Hussain bad u Pranjal Das.
Ia ka ejahar la register ha Khliehriat Police Station bad ka jingtohkit ka dang îaid ban lap dien shuh shuh ïa kiba donkti ha kane ka kam beaiñ bad ki pulit ki la kurup noh ruh ïa katei ka kali bolero lem bad ka pisa T2000 tyngka.
