Jowai, Nailar 04: Ka Jaiñtia Student Union (JSU) sengkmie hapoh ka jingïalam u Assistant Education Secretary u samla Dewan C Bareh ka la phah syndon da ka jingthoh sha u DC ka West Jaiñtia Hills, ïa kane la phah copy lang sha ka DSEO bad sha u Joint Director School Education ryngkat bad ki kyrteng ki khynnah pule kiba duh Class ha ki skul sorkar ki ban pule ïaka klass XI hapoh ka Kiang Nangbah College, Government Boys and Girls Higher Secondary School.
Ka seng hadien ba ka la ïoh lum ïa baroh ki kyrteng ki khynnah pule kiba duh klass ka la shim khia ban thoh sha ki bor ba halor ban wad ka lad ka lynti kumba leh ha u snem ba lah dep ban pynïoh rung klas ïa baroh ki khynnah kiba lah shim admission.
Ka seng ka la ïoh lad ruh ban ïa kren bad u DC ka West Jaiñtia Hills bad u DC uba la kular ban shim khia ïakane ka mat ba ka seng ka la wanrah ha u bad u la ong ba ha ka taiew ban wan un sa peitkhmih ïa kane ka jingduh klass ki khynnah. Ka seng ka phah ruh ka kyrwoh sha ki khynnah ba duh klass ba kim dei ban duh mynsiem hynrei ban ap hadien ka jingpynbeit ki bor ba halor khnang ban ïoh pynrung klass ïa baroh ki samla pule.
