Nongpoh, Nailar 18: Shibynta ban kyntiew ïaka kam rep kam riang haka thaiñ Mawhati u Conrad Sangma hadien ka jingïakynduh bad ki nongrep sying haka thaiñ Mawhati u la kular ban pynioh syndon da ka Solar Processing Unit ban pynmih ïaki jait jingpynmih bapher bapher na u sying.
U la ong ba ka sorkar ka peit kyrpang ïaki jingeh jong ki nongrep ban kyntiew ïaki lyngba ki prokram bapher bapher ba ka sorkar kala lamkhmat kum ka FOCUS, ha kaba haka jingleit hiar jong u shaka thaiñ Mawhati u la kynduh ruh ïaki nongrep bad khamtam ban mir jingmut ha kaba naka liang ka Mawhati Farmers Association kala buh ruh da ka dorkhas naka bynta ban pynioh ïaki lad jingïarap ban kyntiew ïaki nongrep ha kaba kum u Myntri Rangbah khlem da pynslem u la kular ban ai da ka Solar Processing Unit ban kyrshan bad kyntiew ïaki nongrep ka thaiñ lyngba ka Ginger Mission.
U la ong ruh ba lyngba katei ka Processing Unit kan long ka jingkyrkhu kaba khraw ïaki paidbah naduh ka iohkam iohjam da kaba ai nuksa ruh ïaka Mission Lakadong kaba la ai jingkyrkhu ïaki paidbah ha kaba da ki spah ngut ki longkmie ki bunkam man la ka sngi naka bynta ban trei ban ktah, ba dei ruh uwei naki jait shynrai ba pawnam haka jylla bad wat shabar.