Shillong, K’lyngkot 28: U Nongpeit jong ka BJP ïa ka jylla Meghalaya u M Chuba Ao ha ka sngi Thohdieng u la kob lupa ba ka Congress kan ym lah ban jop palat ïa ka 4 seat ha kane ka elekshon kaban sa long ha u Rymphang 2023.
Haba kren bad ki lad pathai khubor u la ong ba ka jinglong jingman ka Congress ka la sniew palat bad kan ym lah ruh ban jop shibun ki seat ha kane ka elekshon.
“Ki kyrtong kiba ki ïoh ruh kim dei ki kyrtong kiba lah ba jop bad kat kum ka jingsngapthuh na u paidbah la sngewthuh ba lada ka jop bun eh ruh ka Congress kan jop tang lai ne saw seat,” u la ong. U la ong ruh ba ka Congress kum ka party bym don ha ka liang synshar ka lah ban kynnoh hajar ngut ki jingkynnoh namar ka dei ka kamram ka liang pyrshah.
