Nongpoh, Naiwieng 18: Ka long shisha ka jingkmen kaba khraw ïa ki bor pynïaid skul bad ruh ïa ki khynnah skul jong ka St. Peter’s Higher Secondary School, Umkadhor, ha kaba kum kawei na ka skul kaba paw ha kaba kyntiew ïa ka jingnang jingstad ha ka thain Ri Bhoi Sepngi ka la ïoh pdiang ïa ka School Bus lyngba ka skhim Chief Minister Special Rural Development Fund (CMSRD).
Halor ka jingïoh pdiang katei ka skul pule ïa katei ka skul bus lyngba ka Chief Minister Special Rural Development Fund (CMSRDF), u Bah Sosthenes Sohtun kum u MLA ka thaiñ ha ka 15 tarik u Naiwieng 2024, da lade ha ka jingdon ryngkat u PD ka DRDA u Raja Brahma, u la leit ban pynlait paidbah bad ruh ban aiti ïa katei ka bus sha ki bor pynïaid katei ka skul ha ka jingdon u Fr. Michael Sun, Parish Priest ka Umkadhor Parish, ki nonghikai, ki khynnah skul bad kiwei kiwei ki riew rangbah.
Na ka jingïoh pdiang ïa kane ka skul bus ka ban kit ïa ki khynnah skul ha ka leit ka wan sha ki shnong ba kham jngai, naduh u Bah Sosthenes Sohtun MLA, ki bor pynïaid ka skul bad ki khynnah skul ki la ai khublei kyprang ïa ka sorkar jylla bad khamtam ïa u Myntri rangbah ka jylla u Conrad K. Sangma, ba dei lyngba ka jingsngap jong u, ïa ki jingdonkam ki khynnah skul la ïoh ïa katei ka skul bus ban ai ka jingshakri ïa ki khynnah skul ha ka leit ka wan sha ka skul.
Shuh shuh, ha kane ka sngi, naduh ki nonghikai skul bad ki bor pynïaid skul ka St. Peter’s HSS Umkadhor, ha kawei ka bynta ki la ai khublei kyrpang ruh ïa u Bah Sosthenes Sohtun kum u MLA ka thain, namar kane ka jingïoh pdiang ka skul ïa katei ka School Bus ka dei hi da ka jingshim khia jong u kum u nongmihkhmat paidbah. ka jingïoh pdiang ïa kane ka skul bus ka la long shisha ka jingkyrkhu ïa ka skul bad ruh ïa ki khynnah skul, ki la pynpaw.
Ha ka juh ka por na ka liang ka SURE kal ai sngewbha da ki jingbam bad ka kot shaphang ki jingbam tynrai ïa u Myntri Rangbah ka jylla.
