Shillong, Rymphang 09 : Ka Seng Samla Mawlai Pyllun ka phah ka jingkitbok kitrwiang ïa baroh ki samla pule jong ka shnong Mawlai bad kumjuh ruh ki samla pule ka jylla kiba pynkhreh mynta ban ïakhun ïa ka eksam SSLC bad HSSLC mynta u snem kaban sdang naduh ka 10tarik Rymphang.
Ha ka kyrwoh na u samla Manbhalang Kharkamni , Publicity Secretary, ka seng ka kyntu ruh ïa ki para samla ba kin trei shitom bad minot bha khnang ba kin ïoh kheit ïa u soh ka jingjop bad ban poi sha ka thong ha ka jingim.
Ka seng ka ong ruh ba dei da ka jingtrei minot jong ki ba ïa ki kam hapoh ka jylla ki lah ban bat bad pynïaid hi ha baroh ki liang khlem da donkam shuh ban shim wai ne ïarap pyntrei pynïaid da ki briew kiba wan na shabar jylla.
