Shillong, Ïaïong 11: U Symbud Myntri Rangbah ka jylla u ba khmih ïa ka tnat ki kam Pohïing ka jylla u Bah Prestone Tynsong ha ka sngi Thohdieng u la kyrpad ïa ki sengbhalang ba kim dei ban shim ïa ki aiñ ha ki kti la jong.
Haba kynthoh ïa ki jingïakhih ba dangshen ha kaba ïadei bad ka jingthungkam ha North Eastern Indira Gandhi Regional Institute of Health & Medical Sciences (NEIGRIHMS), u Bah Tynsong u la ong, “Nga ai jingmut ïa kino kino ki seng bad nga kyrpad ïa ki ba kim dei ban ïaid palat ïa ki aiñ ne ba kin shim ïa ki aiñ ha ki kti la jong, hynrei kano kano ka kam ba leh kadei ban ïaid lyngba ka aiñ.”
“Kumta nga kwah ban kyrpad ba haoid ka dei ban don da ka lynti ka jingïasyllok ne ki jingïalang bad ki katto katne ki agency. Ngi pdiang sngewbha ïa kane bad ha ka kajuh ka por pat phim lah ban shim ïa ka aiñ ha ki kti la jong,” u la bynrap.
