Shillong, Jylliew 07 : U Myntri ka tnad Tourism ka sorkar jylla, Bah Paul Lyngdoh ha ka sngi Balang u la ong ba ka Meghalaya kum ka jaka jngohkai ka la sakhi ba ka jingwan ki briew na shabar ka jur bha khamtam lei lei na ka jingslem jong ka Lyiur ban wan.
“Ngi khlem shah ktah satia na ka daw ka jingslem ka jingwan ka Lyiur. Ka jingkiew ka jingshit ka la pynlong ïa ki briew na Guwahati ban wan khah khah sha Shillong ban kïar na ka jingshit kyrang ka sngi ha ri thor. Kumta kane ka la pynmyntoi pat shibun ïangi,” u la ong haba kren bad ki lad pathai khubor.
Hynrei u la ong pat ba kawei kaba aktah ïa ki da kumwei pat kadei ka bording hynrei haba ïadei bad ka jingdon ki jaka jngohkai, ka Meghalaya mynta ka la da kiew stet shisha.
Lah ban kdew hangne ba dang ha ka sngi Baar u Myntri Rangbah u la pynbna ba ka sorkar kan pynlut tam haduh 300 klur tyngka na bynta ka tnad Bording lada jia ba kane ka jinglong jingman ka ïai bteng kumjuh ha kine ki 100 sngi ban wan.
