Shillong, Naitung 01 : Ka khajna GST ba la lum ha u bnai Jylliew, 2023 ka la kot sha ka 1,61,497 klur ha kaba ka CGST ka long T. 31,013 klur, ka SGST kalong T.38,292 klur, ka IGST kalong T. 80,292 klur (kynthupT. 39,035 klur ba la lum halor ka jingthied ïa ki mar nabar ri ) bad ka cess kalong T. 11,900 klur (kynthup T. 1,028 klur ba la lum halor ka jingthied ïa ki mar nabar ri).
Ka sorkar ka la buh T. 36,224 klur sha ka CGST bad T.30269 klur sha ka SGST na ka IGST. Ka jinglum baroh jong ka sorkarpdeng bad ki Jylla ha u bnai Jylliew 2023 hadien ba la pynbeit kalong T. 67,237 klur na ka bynta ka CGST bad T.68,561 klur na ka bynta ka SGST.
Ka jinglum jong u bnai Jylliew 2023 kalong 12% kham bun ban ïa ki jinglum GST ha ujuh u bnai jong u snem ba ladep. Ha une u bnai, ki jinglumna ka jingsiew hapoh ri (kynthup ka jingthied ïa ki kam ai jingshakri nabar ri) kalong 18% ka jingkham bun ban ïa ki jingïohnong na kinehaujuh u bnai jong u snem ba ladep.
Kane ka dei ka sien kaba saw ba ka jinglum GST ka la tam ïa ka T. 1.60 lak klur. Ka jinglum GST man ka bnai na ka bynta ka quarter ba nyngkong jong u snem mang tyngka 2021-22, snem mang tyngka 22-23 bad snem mang tyngka 23-24 kilong T. 1.10 lak klur, T. 1.51 lak klur bad T. 1.69 lak klur.
