Shillong, Naitung, 01: U Myntri ka Sorkar Pdeng uba khmih ïa ka tnat Kam Pohiing bad Cooperation, u Amit Shah ha ka sngi Thohdieng u la mynjur ïa ka jingpyllait haduh T. 6,194.40 klur sha 19 tylli ki Jylla hapoh ka State Disaster Response Fund (SDRF).
Kane ka kynthup ïa ka T. 1,209.60 klur kum ka bynta jong ka Sorkar Pdeng jong ka State Disaster Response Fund (SDRF) na ka bynta saw tylli ki jylla kiba kynthup ïa ka Chhattisgarh, Meghalaya, Telangana, Uttar Pradesh na ka bynta u snem 2022-23 bad T. 4,984.80 klur na ka bynta 15 tylli ki jylla kiba kynthup ïa ka Andhra Pradesh, Arunachal Pradesh, Assam, Bihar, Goa, Haryana, Himachal Pradesh, Kerala, Maharashtra, Manipur, Meghalaya, Odisha, Punjab, Tamil Nadu, Tripura na ka bynta u snem 2023-24.
Ka jingpyllait ïa kane ka pisa kan ïarap ïa ki jylla ba kin ai jingïarap ha ka aiom Lyiur kaba dang ïaid mynta.
Ka Sorkar Pdeng, hapoh ka jingïalam jong u Myntri Rangbahduh, u Narendra Modi, ka la mynjur lypa ïa ka jingpyllait ïa T. 3649.40 klur kum ka bynta jong ka Sorkar Pdeng jong ka SDRF sha 9 tylli ki Jylla ha u snem 2023-24.
Katkum ki jingai jingmut jong ka 15th Finance Commission, ka Sorkar Pdeng ka la buh T. 1,28,122.40 klur na ka bynta ka SDRF na ka bynta ki snem 2021-22 haduh 2025-26.
