Shillong, Jylliew 30 : Ka ophis treikam jong ka Sub-Divisional Officer (C) jong ka Pynursla Civil Sub-Division, Pynursla ka la kyntu ïa ki nongleit nongwan ha ka surok Shillong -Dawki khamtam ha shi lynter ka surok Rngaiñ ba kin long kiba peitngor bad husiar haba ki ïaid lynti na katei ka surok ha ka por slap khamtam lei lei ha ka por mynmiet.
La pyntip ruh ba katei ka jingpyntip ka long ban kyntu ïa ki paidbah ba kin long husiar namar ba na ka daw ka jinglong jingman jong ka suiñbneng ki bynta jong katei ka surok ki lah ban ïai twa biang.
“Kumta, kan kham bha ban kiar na kaba ïaid ha ka por ba jur slap bad por miet,” ong ka khubor.
Shuh shuh la pyntip ruh ba ki bor synshar ki peitngor ïa ka jinglong jingman jong kane ka surok na ka bynta ka jingshngaiñ jong kiba bun balang.
