Ki sienjam ba bun ba la shim da ka Sorkar haba ïadei bad ka pisa ban kyntiew ïa ki jingsiew lyngba ki lad digital
New Delhi Nailar 05: Ka Sorkar, ka Reserve Bank of India (RBI) bad ka National Payment Corporation of India (NPCI) ki la shim ïa ki sienjam bapher bapher ban kyntiew ïa ka rukom siew pisa da ki lad digital.
Kine napdeng kiwei kiwei, ki kynthup ïa ka skhim ai jingmyntoi na ka bynta ban kyntiew ïa ki RuPay Debit Card bad ki jingsiew BHIM-UPI kiba duna dor (P2M), ka Payments Infrastructure Development Fund (PIDF) ban kyrshan ïa ka jingpyntreikam ïa ki lad siew digital ha ki jaka ba duna ka jingshakri.
Shuh shuh, ban ïada na ki jingleh thok kiba ïadei bad ka jingsiew, la shim ïa ki sienjam bapher bapher kum ka jingpynïasoh ïa ka tiar bad u nombar mobile jong u nongthied, ka jingpynshisha ar tylli ki bynta lyngba u PIN, ki kyndon jong ka jingsiew man ka sngi, bad ki jingpyrkhing ha ki jingpyndonkam. Ka NPCI ka ai ruh ïa ka lad ban peit bniah ïa ka jinglehthok sha baroh ki bank ban pynmih ïa ki jingpynbna bad ban pynduna ïa ki jingsiew da kaba pyndonkam ïa ki rukom ba la pynshong nongrim ha ka AI/ML. Ka RBI bad ki bank ki la pynlong ïa ki jingpynsngewthuh lyngba ki SMS lyngkot, ki jingpynbna lyngba ki radio, bad ki jingpynbna paidbah halor ka jingïada na ki kam beaiñ lyngba ka bor internet.
La shim ïa ki sienjam bapher bapher na ka por sha ka por ban kyntiew ïa ka jingpynïaid bad jingshai jong ki seng ïatreilang bad ki jaka treikam ba rit kiba ïadei bad ka pisa na ka bynta ka jingkynthup ïa ki kam pisa tyngka.
Kine, nalor kiwei pat ki kynthup ïa: Ka RBI ka la pynmih ïa ka rukom pynïaid ïa baroh ki jaka ba la pynbeit ban pdiang ïa ka polisi ba la mynjur da ka board na ka bynta ban buh dor ïa ki ram barit. Kane ka kynthup ïa ka rukom siew sut kaba shai kaba kynthup ïa ka jinglut jong ka pisa, ka jingsiew ban ïada na ki jingma, bad ka jingïohnong.
La pynsuk ïa ka jingbatai ïa ka ram microfinance bad la weng noh ïa ki jingpyrkhing bapher bapher kiba ïadei bad ka jingbun jong ki ram ba la ai da ki NBFC-MFI, kynthup ïa ki pud halor ka ram ha kawei ka samoi bad ka por ba duna tam na ka bynta ki ram kiba palat ïa kawei ka pud.
La pyllait noh ïa ka jingdonkam barim ban ai ram kaba duna eh 50% na ka bynta ki jingthmu ban kamai, da kaba pyrkhat ïa ka jingdonkam ïa ka ram na ka bynta ki jingsumar, jingpule bad ki kam ban pynïaid beit ryntih ïa ka kamai kajih.
Ïa kane ka jingtip la ai da u Myntri Khynnah ka Tnad Kam Pla Tyngka jong ka sorkar pdeng, u Pankaj Chaudhary ha ka jubab ba shu thoh ïa ka jingkylli ha LokSabha.