Shillong, Naiwieng 15: Ka IIM Shillong ka la pynlong ia ka The Media Dialogue – Conversations that Connect and Inspire, ha kaba kane ka jingïasyllok ki la don kumba 18 ngut ki nongthai khubor na ka ri, nangta ki senior editor, ki nongïalam na ki lad pathai khubor na kylleng ka ri India kiba la banjur halor ka bynta kaba khraw ki lad pathai khubor kim ki nongtei ïa ka kam synshar paidbah ha ka ri.
Ka jingthmu kane ka prokram ka long ban ai ki lad jingtip sha ki paidbah bad ka jingnoh synniang sha ka Viksit Bharat 2047. Ki lad pathai khubor kiba la wan jngoh ïa ka IIM Shillong ki la pynpaw ka jingïaroh ïa kane ka rynsan kaba don jingmut kaba wanrah lang ïa ki journalist, scholar, bad practitioner ba kin ïa don bynta ha ki jingïakren kiba tei bad ban pynwandur ïa ki kam pynroi.
Ha ka Panel Discussion 1 – Media’s Role ha ka Viksit Bharat 2047, ka nongpynïaid ka la long ka kong Patricia Mukhim, Editor, The Shillong Times, bad ha ka jingïasyllok pat la don u Arun Kr. Pandey (News18), Prakash Dubey (Dainik Bhaskar), Vijaita Singh (The Hindu), Sarika Singh (BBC), Shyamal Yadav (The Indian Express), bad Nilesh Khare (Sakal Media Group). Kine kiba la wan ban shim bynta ki la kren jylliew bha halor ka Viksit Bharat 2047.
Ha ka Panel Discussion 2 – Empowering Communities Through Responsible & Inclusive Reporting, la pynïaid da Prof. Parijat Upadhyay, ha kane ka session ka kynthup ïa ka jingkren na Oineetom Ojah (North East Live), Gunjan Sharma (PTI), Bikas Singh (The Economic Times), Arbind Gupta (Business India), bad Vikram Chaudhary (The Financial Express). Ki nongkren ki la pynpaw halor ka jingdonkam ka imlang sahlang, ka kam reporting, bad kiwei ki kam na ka bynta ka jingkiew ka India.
Ha ka Panel Discussion 3 – North East India in India’s Development Story: Amplifying Regional Voices, la pynïaid da Prof. Rohit Dwivedi, ha kaba ha kane ka jingsyllok la ïoh ki jingkren na Manash Pratim Gohain (The Times of India), Shyamal Yadav (The Indian Express), Arun Kr. Pandey (News18), Nitin Thakur (Aaj Tak), Deepak Yadav (Zee Business), bad Umanand Jaiswal (The Telegraph).
Kane ka prokram ka la sdang da ka jingkren na Hemango K. Dutta, Jt. GM (Corporate Affairs), uba la pdiang sngewbha ïa kiba shim bynta.
U Prof. Basav Roychoudhury, Dean (Research), u la banjur halor ka bynta jong ka kam wadbniah ha ki jingïapher ha ka thaiñ Northeast.
U Shri Kripa Shankar Yadav, Additional DG, PIB, u la phai shaphang ka jingkiew shaphrang ki lad pathai khubor ha ka kam pule puthi.
Ha ka jingkren na ka kong Patricia Mukhim ka la kren shaphang ka jingkordor ka jinglong laitluid bad independent media.
La ïoh ka jingkren ai khublei na Hemango K. Dutta, uba la ithuh ïa ka bynta kaba khraw jong ki lad pathai khubor kiba long ki païa ha ka kam synshar paidbah, da kaba pynskhem ruh ïa ka jingthmu ka IIM Shillong ban pynneh ïa kum kine ki jingïakren ha ki sngi ban wan.
