Shillong, Naitung 22: Ki Pulit ka East Khasi Hills kila pyntip ba ïa ki arngut ki khynnah ba jah na Tlongpleng ha ka step sngi Balang, la lap ïa ki ha ka ïingsah jong ki bahaïing kaba don ha Nongrah.
Haba kren sha ki nongthoh khubor, u SP (City) Bah Dangsan Khyriem u pyntip ba u Superintendent of Police ka South West Khasi Hills ula pyntip ïa ka jingjah jong kine ki khynnah ba dang 11 bad 13 snem.
Ha ka jingtohkit la lap ba kine ki khynnah kila kiew ha ka bos da ka jingthmu ban leit sha Mawsynram hynrei, kila wan poi pynban sha Shillong bad kila hiar na kali ha Anjali Point hashuwa ban kiew ïa kawei pat ka bos ban leit sha Nongrah.
Kine ki Khynnah kila leit poi sha ka ïingsah jong ki bahaïing kaba don ha Nongrah, bynrap u SP.
Ki bahaïing mar mar hi kila wan ïalam ïa ki sha Rynjah Police Station, ha kaba ki Pulit kila pyndep ïa ki jingdonkam baroh bad shim jingthoh ïa ki jingbatai jong ki ban pynthikna ba kumno ki wan poi sha Shillong.
Une u SP u pyntip ba kine ki khynnah kila don mynta bad la ki jong ki bahaïing bad ki dang don ha Rynjah Police Station ban pyndep ïa ki kam ba hap ban leh.
