Ka jingpyrshang ban dih kine ki jingdih kiba phi lah ban khleh hi ym tang ba ki ïarap ban pynduna ka jingsliang hynrei kumjuh ruh ki dei kiba lah ban ai jingmyntoi ha ka liang ka koit ka khiah. Kine ki jingdih ki dei kiba la ban ai ka jingmad kaba bang bad ki dei ruh kiba duna ka calorie, kiba paw ba ki long ki jingdih kiba kynsai kiba lah ban thom pyrshah ïaka jingshit khlem da don ka jingktah hapdeng ba phi pyrshang ban pynhiar ka jingkhia.
Shuh shuh kine ki jingdih hapdeng ba ki paw ba ki jur ka jingdon ki nutrient ki long ruh ki lynti ba phi lah ban pynjur ka jingpynrung ki soh bad ki jhur. Ki dei kiba lah ban ïarap bad pynjanai halor ka koit ka khiah ha kiba bun ki liang, naduh ka jingmyntoi halor ka jingtylliat jingbam haduh ka jinglah ban pynkoit bad khanglad ki jingpang ba ktah ïa u klongsnam.
Kine harum ki dei ki jingdih kiba kynsai ba lah ban pynkhreh hi dalade :
1. Ka um u Dhunia ne u Pudina : Ka jingkhem um ïa u dhunia ne u Pudina bad ka jingdih ïa kane ka um ka dei ka lynti kaba lah ban pynhiar ka jingshit jong ka met. Ka um jong Dhunia ka dei ruh kaba lah ban wallam ka jinglong pyngngad.
2. Ka sha Chamomile : Kane ka sha ka dei kaba lah ban pyllait naka jinglong tyrkhong ka met bad wallam ka jinglong aram ka jingmut jingpyrkhat. Shim kumba ar ne lai tylli ki syntiew ba la thad tyrkhong bad thep hapoh ka shipela ka um khluit bad ieh kumba 10 minit ei ei hashuwa ban jiar noh ïaka. Phi lah ban dih kumba ar ne lai pela ha ka shisngi ban sakhi ki jingmyntoi.
3. Ka Sha mulethi : Kane ka sha ka lah ban wallam ka jinglong pyngngad ha ka met bad lah ban ai jingïarap lada don ki jingthut ha ka kpoh napdeng kiwei de ki jingshitom. Kumjuh ruh u ïada na ka jingjur ka jingshah thang ha ka sngi. Pdem ïa u thied jong une u jingthung kumba katto katne por, bad sa jiar pat ïa kane ka um bad dih pat ï aka.
4. Ka um sohpieng : Kane ka jingdih ba lah ban sakhi ha kane ka ri ba la pynkhreh na ki sohPieng kiba dang im, ka dei ka jingdih kaba lah ban tem ka jingshit. La kam b aka jingdih kumba arklat kane ka um ka ïarap ruh halor ka jingtylliat jingbam, ehkpoh bad ka jingmad ka jingthut jong ka kpoh kum ka irritable bowel syndrome (IBS). Hynrei ka long kaba donkam ban pynthikna ba phi khleh hi ïa kane ka jingdih ha la ïing lajong ban antad kat ban biang ka shini bad ka mluh.
5. Ka um u Pudina bad Sohjew : Shiklat ka um u sla Pudina bad khleh khyndiat ka um sohjew ka dei kaba lah ban ai jingmyntoi shibun kane ka ïarap ban pynkhuid ïa u dohnud, aibor halor ka jingtreikam hapoh ka met bad ïarap ruh hapdeng kito kiba dun aka jinglah ban bam bun.
6. Ka um jong u Barley (u kynja kew) : Ka um jong u Barley ka dei kaba la ju tip ba ka lah ban pynbiang ka jingdon um ha ka met. Ka jingdih shiklat kumba arsien ha ka shisngi kane ka um ka ïarap bad ban ai jingïada na ka jingeh kpoh bad wallam ka jinglong pyngngad ha ka met.
7. U symbai Tulsi : Kine ki symbai ki dei kiba lah ban pynduna ka jingshit ne khluit jong ka met bad ai jingïarap halor ka jingtylliat jingbam bad pynjur ka jingleit bar, pynkhuid kpoh bad pynbiang ka jingjur ka jingkhluit hapoh ka met. Phi lah ban pdem hapoh um bad ieh kumba 15 haduh 20 minit bad sa dih pat kane ka um.
8. Ka um u sla Neem bad Pudina : Phi lah ban pynkhreh kane ka jingdih da kaba kynthup kumba 5 ne sla ki sla neem, u pudina bad sohmylleng bad u symbai dhunia bad khyndiat ka um lada donkam. Kane k jingdih ka dei kaba lah ban pynduna k ajinglong tyrkhong ka met bad wallam ka jinglong pyngngad, pynduna ka jingjur ka acid bad ka lyer n aka daw ka jingjur palat ka jingshit.
