Ki don bun ki lynti kiba lah ban kyntiew bad aibor halor ka jinglah ban pynleit jingmut. Phi lah ban jied da ka jingleh kai sport kum ka table tennis ne ka dodgeball bad lehkai manla ka sngi. Ne phi lah ban pynjanai halor ka jingkhlaiñ ka rukom treikam ha ka jabieng da kaba don bynta ha kiwei pat ki jait ka kiba dawa halor ka jinglah ban pynleit jingmut. Ha kawei pat ka liang wat ka jinglehkai video game ka lah ban aibor halor ka jinglah ban pynleit jingmut. Lada phi jied ki jingbam kiba tei bad riewspah ban don ka protein bad ka carb kaba jwat bad kumjuh ruh ki fat kiba bha, kane ka aibor halor ka jinglah ban pynleit jingmut
Kine harum ki long napdeng ki jingbam ba aibor halor ka jinglah ban pynleit jingmut : Ki jhur sla jyrngam bad u Rynsun : Kine baroh ar ki Jhur sla jyrngam bad u Rynsun ki dei kiba kyntiew halor ka jingtreikam ha ka jabieng kine ki riewspah ha ka jingdon ka Vitamin K, lutein, folate bad ka beta carotene. Ha kajuh ka por ruh ki dei kiba jur ka jingdon ka protein. Kine ki dei kiba lah ban ai jingmyntoi shibun na ka bynta ka jingtreikam bha ka jabieng bad ka jinglah bor ban pynleit jingmut. U Palong ha kawei pat ka liang u dei uba pynjur ka jinglah ban pynleit jingmut.
Ki jingbam ba la shet da ka pylleng : Ka pylleng ka dei kaba riewspah ban don ka amino acid ba la tip kum ka tyrosine. Kine ki bynta kiba lah ban tei ki dei kiba pynjur ka jingpynmih ki hormone ha ka met, bad pynjur ka jingai bor, ka jinglong husiar bad pynbha halor ka jingpaw ka jinglong. Kane ka Tyrosin ka dei kaba jur ruh ban don ha u Palong.
Kiba bunjait ki rymbai : Kine kiba riewspah halor ka jingdon ka protein, ki dei kiba ai jingmyntoi shibun ruh halor ka koit ka khiah ka jabieng. Ki dei kiba dap ruh da ka jingdon ka omega-3 fatty acid kaba donkam na ka bynta ka jinglah ban treikam bha ka jabieng.
Ki shyieng symbai kiba long ban bam : Kine ki kynthup naduh u shyieng pathaw bad ki Nei kib ajur ban don ka tyrosine, bad kumjuh ruh ki symbai tiewsngi ki dei kiba ai jingmyntoi shibun na ka bynta ka bor jabieng. Ki dei kiba pynkhlaiñ ka bor kynmaw bad ka rukom treikam hapoh ka jabieng.
Ki doh : Ki don bunjait kid oh kiba riewspah ban don ki tyrosine. Ka dohsyiar bad turkey ki dei napdeng ki nuksa halor kine ki jait doh bad kiba lah ban kyntiew halor ka jingdon ki amino acid ha ka met bad pynstet halor ka jinglah ban pynleit jingmut ka jabieng. Ka dohblang bad dohsniang ruh ki dei kiba phi lah ban kynthup. Ka Vitamin B12 kaba lah ban shem ha ki dohsaw ki dei kiba kongsan halor ka jinglah ban treikam bha hapoh ka jabieng.
Ka doi, cheese bad ki jingbam ba ïoh lyngba ka dud : Kine ki jingbam ki dei kiba noh synñiang halor ka jingdon ka tyrosine. Kine ki jingbam kiba lah ban ïarap halor ka jingpynduna ka oxidative stress, kiba lah ban aibor bad kyntiew ka jinglong husiar bad ka jinglah ban pynleit jingmut.
Ka Kait : Kane ka jingbam ka dei kaba lah ban pynbha ka jinglong, bad ka dei kaba lah ban kyntiew halor kajinglong aram bad ka jinglong kmen.
U soh Avocados: Une u soh u riewspah ban don ka tyrosine bad don ruh ka fat kaba tei bad noh synñiang halor ka jinglah ban treikam bha ha ka jabieng. Hynrei ka kait ka dei kaba jur ban don ka calorie bad donkam ban bam antad.
Ki Soh ehsnep bad ki berries : Ki don bunjait napdeng kine ki soh ehsnep bad ki berries, khamtam ki soh bueberries bad walnut kiba long kiba kynsai na ka bynta ka jabieng. Ki dei ki thymmei halor ka jingdon ka protein bad ki berries ki riewspah ruh ban don ki antioxidants kiba ïarap halor ka jinglah ban tuid bha ka snam.
Ki jingbam ba ïoh lyngba ki motor : Kine ki jingbam ki long ki thymmei halor ka jingdon ka protein, tyrosine, bad ki fat kiba tei bad don ruh ka carb kaba jwat. Ki dei napdeng ki jingbam ba lah ban bam hapdeng kito kiba jied ban bam tang da ki jhur bad ki aibor halor ka jingtreikam bha ka jabieng.
