Ki dohkha ki long kiba shngaiñ, ngim lap shuh ban don Formalin: Asst Commissioner Food Safety

Shillong, Jylliew 29: Ka Assistant Commissioner of Food and Safety ka Kong DBS Mukhim ka la pynbna ba la shah biang ban die ïa ki dohha ha Iewduh kiba wanrah na ka jylla Andra Pradesh hadien ba ka la hiar da lade sha Iewduh ban test ïa ki dohkha la ki la long kiba bit ban bam ne ki dei kiba don Formalin kumba la lap ha kine ki sngi kiba la leit bad ha ka jingtest ïa kine ki dohkha ki la long kiba bit namar la lap ba ym don shuh kino kino ki Formalin.
Haba kren sha ki lad pathai khubor hadien ba la dep ban Test ka Kong DBS Mukhim ka la ïathuh ba kane ka jingtest ka long kum ka lan ban pynthikna ba ki dohka ki long kiba bit ban bam na bynta u paidbah.
“Ki paidbah kim dei shuh ban khuslai ban bam ne don kano kano ka jingkhohñioh namar ka jingtest kaba ngi leh mynta ka sngi la lap ba ym don shuh kino kino ki formalin”, ka la ong.
“Nga kwah ruh ban ïathuh sha u paidbah ba nangne shakhmat ba ngin ïai test man la ki sngi ïa ki dohkha shuwa ban shah ban die sha u paidbah bad ïa kane ka jingtest kan long ha khlieh iew ïa man ki trok kiba wan pynpoi mar bad dei tang kito ki dohkha kiba la ïoh ïa ki syrnot ba pyni ba ki long kiba bit ban bam yn lah ban pynpoi sha u paidbah ban bam bad lada lap ba ki don formalin lyngba kane ka spot testing ngin ym shah die sha u paidbah bad ngin shim ïa kine ki mar ban phah sha ki Laboratoryban phah test bad lada lap ba don formalin ngin phah tep beit ïa kine ki dohkha bad lada lap ba kim don ngin shah ban die sha iew,” ka la ong.
Haba kylli haduh katno ka long kaba thikna ka jingmih kane ka jingleh ïa kane ka spot testing, ka Kong BDS ka la ïathuh ba baroh shikatta hi ki dohkha kiba la lap ba don formalin ynda la phah test ha ki lab ruh ka pynskhem ïa kane,
Haba kylli, ka la ïathuh ba ïa ka jingtest ïa kine ki dohka kan dei na ka tnat Fisharise ha ryngkat ka jingaitreilang bad ka Commission.
Ka la ïathuh ba ka posr test ïa ki dohkha kan long ha ka por 7 baje mynstep bad 1 baje janmiet bad kino kino ki mar bym pat lah ban die lymda la dep test.