Nongstoiñ, Risaw 9: Ka Hynñiewtrep Youth Council ha ka sngi saitjaiñ ka la pynskhem ïa ka HYC Nongjri Unit ha Shnong Nongjri kaba hap hapoh ka HYC Nongtrai Circle West Khasi Hills District.
U Samla Olivertwis Marngar Organising Secretary HYC Nongstoiñ Circle haba kren ha ka jingïalang u la ong ba donkam ïa ki samla ban ieid ïa ka kam trei lajong ban kyntiew ïa ka Ri. U la pynkynmaw ba ka HYC kam shah ban leh Politic ne Rung Politic katba dang long ki dkhot ka HYC.
La pynskhem ïa ki dkhot ka HYC Nongjri da u Samla Lumlang Kharsyiemlieh President HYC, WKHD uba la kyntu ïa ki nongkitkam ban don ka jingkitkhlieh na ka bynta ka lawei jong ka ri bad ka jaidbynriew.
Ki Nongkitkam ba la pynskhem ki long 28 ngut hapoh ka jingïalam u President Samla Spailin Wanniang, Vice President Samla M Wahlang, General Secretary Samla Kitdorlang K.Snar, Assistant GS Samla K.Rongrin, Education Habanskhem Sohphoh, Organising Secretary Samla Johnpoul Wanniang bad kiwei kiwei Nongkitkam bad ki dkhot ka HYC Nongjri Unit.
