Nongstoiñ, Rymphang 16: U Bah Garod L.N.S. Dykes Deputy Commissioner (EL) West Khasi Hills, District u pyntip sha ki paidbah ba katkum ka jingmynjur da ka District Council Affairs Department, Meghalaya, Shillong lyngba ka shithi No. DCA.50/2024/PU/71, tarik 14 Rymphang 2025, la buh ïa ki bynta bapher bapher ha ki Polling Station kiba la pynbeit bad la thaw ruh ïa ka Auxiliary Polling Station ha Marngor na ka bynta ka KHADC Election 2025.
Hapoh ka Nongstoiñ Constituency, ka 39-Marngor PS, ka kynthup lang ïa ka Marngor 539 ngut ki nongthep vote, Mawblei 225 ngut ki nongthep vote, Nongdom Laitmilang 280 ngut ki nongthep vote, Langlew 380 ngut ki nongthep vote, Mawkhan Pambeh 211 ngut ki nongthep vote, Lawnamlang 264 ngut ki nongthep vote, katba ka 40 Phyllut PS, ka kynthup lang ïa ka Phyllut 172 ngut ki nongthep vote bad ka Mawkhan Wahkwang 161 ngut ki nongthep vote.
Ki nongshong shnong na kine ki jaka ki dei ban phikir bha ïa ki Polling Station jong ki bad la pynbeit kumne, khnang ba ka elekshon KHADC kan ïaid beit ïaid ryntih.
