Nongpoh, Risaw, 18: Ki nongïalam jong ka HITO haka thaiñ Bhoirymbong mynta ka sngi kila bteng biang ban khynra ïaki bar jylla kiba wan trei khlem ki kot ki sla kiba biang sha katei ka thaiñ ha kaba naka liang ka seng hapoh ka jingïalam u Samuel Hinge kila leit ban khynra sha ka thaiñ Bhoirymbong.
Ha katei ka jingleit khynra jong ka seng kala lap bun ngut ki bar jylla kiba wan ban trei khlem ki kot ki sla kiba biang sha katei ka thaiñ bad lap ruh katto katne ki nongtrei kiba trei bylla kiba dang hapoh ka rta ba 18 snem.
Na ka liang u Samuel Hinge u la ong hadien ba ka seng kala ioh shibun ki jingujor halor ka jingbun ki bar jylla kiba wan trei ha katei ka thaiñ, naka liang ka seng khlem pynslem kala shim ïaka sienjam ban leit khynra ïaki bar jylla kiba wan trei bylla ban tehlakam naka jingwan rung kythlep jong ki mynder bad ha katei ka jingkhynra la lap ba bun naki bar jylla kim don satia ïaki kot ki sla naduh ki labour license.
U la ong ruh ba kum ka seng ka dap da ka jingsngewlyngngoh ha kaba la lap ruh ba ki don ki khynnah kiba hapoh 18 snem ka rta kiba trei bylla ha katei ka thaiñ, bala pynkheiñ ïaka aiñ jong ka sorkar Meghalaya.
Na ka liang ka seng kala kyrpad ruh ïaki Rangbah Shnong haka thaiñ Bhoirymbong ba kin nym ai pathar ïaki NOC sha ki bar jylla kiba kwah ban wan trrei bylla sha katei ka thaiñ, khlem ki kot ki sla ba biang namar ki don shibun ki samla khasi kiba khlem kam khlem jam.
