Nongstoiñ, Naiwieng, 2: Ka Ïingkashari Special Judge (POSCO) West Khasi Hills, ka la hukum ban set phatok haduh 9 snem 4 bnai ïa uwei u runar u ba leh beijot ïa kawei ka khynnah rit ha ka shnong Mawthungmarwei Rambrai, West Khasi Hills District.
Une u runar u dei u ba la tip kyrteng u Santius Lyngkhoi bad kane ka Ïingkashari ka la pynmih ïa kane ka hukum ha ka 21 tarik u Risaw katkum ka Nongstoiñ PS Case No 11 (03) 2018 ba la register hapoh ka kyndon 366/341/342/506 IPC pule lang bad ka 3 (a) 4 jong ka POCSO Act.
Ka Ïingkashari haba bishar ïa kane ka case, ka la hukum ban set phatok haduh 8 snem ïa une u runar katkum ka kyndon 4 jongka POCSO Act lem bad ka kuna ba T. 30000, set shi snem hapoh ka kyndon 506 Part II IPC, set lai bnai hapoh ka kyndon 342 bad set 1 bnai hapoh ka kyndon 341.
