Ingkhong ka Ïing ha Umïang, ai jingïarap ka FKJGP

0

Nongstoiñ, Naiwieng, 2: Ka Seng FKJGP Maweit circle hapoh ka jingïalam u bah Anthony Umiong President bad u bah Endrius Ryntong Secretary ryngkat ki dkhot, mynta ka sngi ka la leit ban ai mynsiem bad noh synñiang da ki jaiñ syaid bad ki mar bam sha ka ïing ka sem jong u Bah Serbius Nongkhar bad ka Kong Tildaris Nongsïang West Khasi Hills, kiba la shem lanot ha kaba ka ding ka la bam duh ïa ka ïing jong ki ha ka miet 29 tarik mynta u bnai ha ka por 8:30 pm ha shnong Umïang.
Ha kane ka jingjia ym shem la don mano mano ba mynsaw, namar u kpa u don ha jaka bylla bad ka kmie ryngkat ki khun ki dang leit thiah haïing jong ki para marjan. Hynrei kyndit kynsan la shu ïohi ba ka ding kaba la klang nyngkong na ïing shet ja bad ym lah shuh ban leh ei ei, namar ka ding ka la bam lut khait ïa ki jingdon jingem, kat kiba don ha katei ka ïing.
Na ka liang ka seng ka la pynpaw ruh ïa ki kyntien sngewlem sha katei ka longïing kaba la mad ïa katei ka jingjia ba sngewsih. Ha kajuh ka por ka kyntu jur ïa ki bor sorkar ban ai ka jing ïarap kloi katba lah, khnang ba ka ïing ka sem jong ki kan dap kan biang kumba ju long.

Leave A Reply

Your email address will not be published.