Jowai, Risaw 16: Ka resol jong ka lympung ïalehkai phutbol bala tip kum ka ‘Hajan Shylla Memorial Trophy 1st Division’ bala pynïaid daka Thadlaskeiñ Sports Association (TSA) West Jaiñtia Hills, kaba la long ha ka sngi Palei, 16 tarik u Risaw, ha madan Wahiajer Multi-Sports Complex.
Haba phai sha ka jingïakhun ba nyngkong ka Tyrshang kala khur ïa ka jingjop da kaba pynliem noh da 3-1 kol ïaka Maia SC.
Ka Tyrshang SC ka la pynkhih ïa kine ki lai tylli ki kol lyngba u Pyrkhat Tyngkra haka minit ba 19, u Johnforce Kharpomtiah haka minit ba 51 bad u Jerimaia Shadap haka minit ba 55. Ïa ka shikol na ka bynta ka Maia SC la ïoh ban thep da u Da o hi Pale haka minit ba 30.
Ka jingïakhun kaba ar ka la long kaba itynnad bha ha kaba ka Dongmihsngi SC kaba la pynliem noh da 3-2 kol ïaka Lumsharatoh SC.
ïa ki lai kol na ka bynta ka Dongmihsngi SC la thep da u Sylvester Rymbai haka minit ba 10 & 73 bad u Teimi Nongrum haka minit ba 64. Na ka liang jong ka kynhun Lumsharatoh SC la thep da u Mathew Shangpung haka minit ba 14 bad u Eddie Savio Pyngrope haka minit ba 23.
La pyntip ka jingïakhun jong ka lympung First Division ha kane ka sngi Thohdieng, 17 tarik Risaw, haka haka por 12 baje shiteng jong ka nohphai sngi ka Lurshai Larnai SC pyrshah ïaka Moodymmai SC. Katba haka por 2 baje shiteng nohphai sngi ka Khliehtyrshi SC pyrshah ïaka The A Team.
