SHILLONG, Naiwieng 18: Ka Malki SC ka la long ka kynhun kaba seisoh ha ka jingïalehkai pyrshah ïa ka Pohkseh SC ha ka lympung First Division Football League 2024 jong ka Shillong Sports Association ha SSA Stadium, Polo, ha ka Lah Sngi U Blei (18 tarik, Naiwieng, 2024).
Ha kane ka jingïalehkai ka Malki ka la lah ban pynliem noh da 2-1 kol ïa ka Pohkseh. Baroh lai tylli ki kol la pynkhih ha ka kylla miet.
Hadien ba ym shym la don ba pynkhihjar ha ka kylla step, ka Malki ka la ïoh ban lamkhmat nyngkong lyngba u Pynhun Nongshli ha ka 50 minit, bud sa ka kol kaba ar na u Elisha Ryntathiang ha ka 62 minit.
Ka Pohkseh ka la ïohlad ban thep shi kol lyngba u Stevenson Shadap (72 min).
Ka jingïalehkai ha kane ka sngi Hatmajai (19 tarik Naiwieng, 2024) kan long ha ka por 11 shiteng mynstep, ha kaba ka Mylliem SC kan ïakhun pyrshah ïa ka Nongrah SC, bud sa ka jingïalehkai ha ka por 2 shiteng nohphaisngi hapdeng ka Lawsohtun SC bad ka Mawtawar SC.
