Khur jingjop ka Catholic Youth Mihmyntdu, Mookymphad, Riatsaliya Mihmyntdu bad Moosalyngkat haka phutbol ka WJDSA

Jowai, Nailar 27: Ka jingïalehkai phubol bala pynïaid da ka West Jaiñtia District Sports Association (WJDSA) kaba la long mynta ka sngi 27 tarik u Nailar haki ar tylli ki kyrdan kata ka ‘5th Adelbert Memorial Trophy 3rd Division Football 2025 bad ka ‘8th Debo Shullai Memorial Trophy 2nd Division Football 2025 bala pynlong ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong haka kyrdan 3rd Division ka Catholic Youth Mihmyntdu kala pynliem da 1-0 kol ïa ka Loompyrdi Iongpiah, ïa katei ka shikol la thep da u Heimonmi Dkhar haka minit ba 20.
Haka jingïakhun kaba ar ka Mookymphad kala pynliem da 3-0 kol ïa ka Umshangyiar, ïa kitei ki kol na ka Mookymphad la thep da u Honesty Phawa haka minit ba 32, u Jerry Dkhar haka minit ba 46 bad u Wailad Shylla haka minit ba 65 mins.
Katba haka jingïakhun kaba lai ka Riatsaliya Mihmyntdu kala pynliem da 4-0 kol ïa ka Mooknor Nangbah, ïa kitei ki saw kol na ka Riatsaliya Mihmyntdu la thep da u Meban Kharssotti haka minit ba 9 & 34, u Bony Lyngdoh haka minit ba 36 bad u Neviki Phawa haka minit ba 56.
Haba phai sha ka jingïakhun jong ka 2nd Division ka kynhun jong ka Moosalyngkat kala pynliem da 1-0 kol ïa ka Mupliang. Ïa katei ka shikol la thep da u Clifford Myrchiang haka minit ba 27.
Ka jingïakhun kan bteng biang lashai 28 tarik u Nailar, 2025 haka 3rd Division kan don lai tylli ki jingïakhun katba haka 2nd Division kawei ka jingïakhun.