Shillong, Nailar 06 : Ha ka jingïalehkai jong ka 1st Division jong ka Tyrsad Area Sports Association kaba la long ha ka sngi Saitjaiñ (6/8/22) ka Bara FC ka la khur jingjop da kaba pynliem da 2-0 ïa ka Laitmawhing SC.
Ïa kitei ki ar kol la thep da u Wudlang Jaba ha ka minit ba 24 jong ka jingïalehkai katba ïa ka kol kaba ar la thep da u Wudlang Jaba ha ka minit ba 37. Bad ha kylla miet ka Bara FC ka la ïoh biang ïa ka kabu ksiar ban shut ïa ka penalty da u Webison Jaba kaba dei ha ka minit ba 72 hynrei kane kam shym la seisoh ha kaba ka bol ka leit dei ïa u dieng kol bad hadien ka jingïakhun tyngeh u Welbison Jaba u la ïoh ban pynkhih jar ha ka 87 minit.
Ha ki 2tylli ki jingïakhun jong ka 3rd division pat ka Kyiem SC ka la pynliem da 2-0 ïa ka Phanñiewlahneng SC bad ka Rangkynsai SC ka la jop salit da 1 kol ïa ka Umsawmat FC. Ha ka 11 tarik Nailar ka jingïalehkai 1st division kan long hapdeng ka Umkseh SC pyrshah ïa ka Mawlum Tyrsad SC.
