Mawkyrwat, Jymmang, 25: U Deputy Commissioner jong ka South West Khasi Hills District u la pyntip ba ka Department jong ka Arts & Culture ka Meghalaya ka khot aplikeshon na ki Artist, Cultural Organisation, Cultural Performers kiba na ka distrik na ka bynta ban pynrung kyrteng ha ka department bad kiba ka jingthmu ka long na ka bynta ban pynneh pynsah, ban buh jingthoh, ban wad bniah, ban kyntiew ban pynheh pynïar ïa ka tnat Arts & Culture ha ka jylla.
Lah ruh ban ong ba kane ka department ka plie lad plie lynti ïa ki Folk bad Tribal Cultural Troupes, Artists, Craft persons bad kiwei ban leit ïashimbynta ha ki festivals, workshops bad ki program ba pynlong ha ka jylla bad kiwei ki bynta jong ka Ri.
Kino kino ki briew shimet lane ki kynhun/seng kiba don jingthmu ki lah ban leit shim ïa ki aplikeshon phom na ophis jong u Deputy Commissioner ka South West Khasi Hills District, Mawkyrwat, na ophis jong u Sub Divisional Officer (C) Ranikor Civil Sub Division bad na ka ophis jong u Block Development Officer, Ranikor bad Mawkyrwat ha ki sngi bad por long trei bad ïa ka tarik ba khatduh ban pynpoi ïa ki aplikeshon kan long ha ka 31 tarik u Jymmang, 2023.
