Shillong, Jylliew25: Ka kynhun jong ki nongsam khaw reshon kaba la leit ïashim bynta ha ka jingai jinghikai ban pyndonkam da ka tarajur thymmai ne ka jingthew da ka elektronik, ki la pynpaw ba kim ïahap satia ïa ka jingbthah ka sorkar ban pyndonkam da kine ki tarajur thymmai ne electronic weighing system.
Haba ïakren bad ki nongthoh khubor hadien ba la wai ka jingai jinghikai ha State Central Library Shillong, u Secretary ka Fair Price Shop Dealers Association, u Bah Richard Khongsit ryngkat ka jingïadon lang ruh u Bah Danny Langsieh, uwei na ki rangbah ba trei na ka bynta ka bha ka miat ka imlang sahlang, ki la ïathuh ba ki sngew ïahap ban pyntreikam ïa kane ka jingpyndonkam da ki tarajur thymmai, hynrei kam dei pat pat sdang na ki nongdie ha ki shnong, hynrei dei ban sddang na jrong ne naduh na ka jaka ba mih u khaw.
Ka daw ba ki nongsam reshon ki ong kumne, kadei namar ba u khaw uba poi sha ki dukan reshon um dei uba poi bad ka jingthew kaba biang, hynrei ki don beit ki jingduna. Nangta ki la ïathuh ruh ba ki don ki por kiba u khaw u poi wat ki byrni ha kaba u sai byrni uba suh um skhem shuh. Nangta ki don ruh ki por ba u u khaw u long uba sniew, uba la lwet. Kane kan buh jingeh shibun eh ïa ki ba kin pynbiang beit thik ka jingthew katkum ka jingbthah ka sorkar. Namar baroh shi katta la leh beit da ka jingïasngewthuh jingmut hapdeng ki nongsam bad ki nongshim khaw reshon.
Kine ki nongïalam ki kyntu ïa ki paidbah ba kin wan pynphai shuwa ïa ki tarajur thymmai tad haduh ban da ïapynbeit da kumwei pat.
