Shillong, Nailur 01: U Nongthoh khubor u Umesh Upadhyay u la khlad noh hadien ba u la hab napoh ka mala kaba 4 jong ka jaka sah kaba najrong ïing jong u ha kaba ki kam jingtei ki dang ïaid kaba dei ruh ha south Delhi Vasant Kunj, ong ka kyrwoh na ki pulit. Na ka liang jong ki pulit ki la ïathuh ba kane ka la jia ha ka por ba utei u nongthoh khubor u dang leit jurip ïa ka ïing kaba dang pynthymmai ha kaba ha ka jingjia ryngkhat u la kum hab noh napoh katei ka ïing ha ka por kumba 10.30 baje mynstep.
Ka khubor ka ïathuh ruh ba utei u nongthoh khubor u la mynsaw na ki bynta jong ka khlieh ha kaba la pynkitnoh sha hospital ha ka por kumba 11 baje mynstep bad hadien kane u la khlad noh ha hospital. Ki pulit ki la ïathuh ruh ba ha kane ka jingjia u Umesh Upadhyay u la dap kumba 64 snem.
Ka khubor ka ïathuh ruh ba une u nongthoh khubor u la noh synniang shibun ha ki kam lad pathai khubor bad ki digital media.
La ong ruh ba dang shen u la thoh ïa ka kot kaba la ai kyrteng da ka “Western Media Narratives on India: From Gandhi to Modi”.
