Shillong, Nailur 17: Ka mid level health provider (MLHP) kaba dei ruh ka doktor ka la khlad noh na ka jingshah dait ksew ba don jingpang rabies ha ka ar bnai ba la dep.
Haba pynthikna ïa kane ha ka sngi baar na ka liang ka Myntri ka tnat ka Koit ka Khiah ka kong Ampareen Lyngdoh ka la pyntip ba kane ka nongtrei la ithuh kyrteng da ka Gracetyfull Marngar ba la 32 snem na West Khasi Hills.
“Hynnin ngi la duh iwei na ki MLHP jong ngi. Ka la shah dait ha u ksew ha ki arbnai ba la dep bad na ka daw jong ka jingbym ai injek anti-rabbies,” ka la ong.
Ka kong Marngar kadei kaba trei ha Tynghor sub-centre.
Hadien kane ka jingjia, na ka liang ka Myntri ka la ong, “Nga sngewsih jur halor kane ka jingjia bad mynta ngi dang ai jingtyrwa ban buh ïa ki vaccine wat ha ki kyrdan sub centre.”
