Nongpoh Naiwieng 12: Arngut ki rangbah naka shnong Umden La-ang kila khlad noh syndon hashen hadien ba kila shah lympat haka bording elektrik haka shnong Kpepsyiem ha Ri-Bhoi.
Katkum ka jingtip bala ïoh lum la ong ba kane ka jingjïa kala jia haka shiteng miet jong ka sngi Saitjaiñ hynrei ïa ka met jong kitei ki 2 ngut ki rangbah la lap pat hynne ka step sngi U Blei da ki paidbah.
Kitei ki 2 ngut ki rangbah bala khlad noh la tip kyrteng kum u Lal Lapang 65 snem bad u Pian Namsaw 44 snem kiba dei naka shnong Umden La-ang bad ïaka daw jong ka jingshah bat elektrik ym pat lah ban tip namar ha katei ka jaka ki don ki sainar elektrik ba khlaiñ bor kiba pynpoi bording shaka thaiñ Patharkhmah.
Hadien katei ka jingjia naka liang ki pulit kila rah noh ïa kitei ki 2 ngut sha Byrnihat PHC bad hadien ka jingkyrpad jong ki bahaiing la pynlait noh ïaka Post Mortem.
