Jowai, Nailur 27: U Deputy Commissioner ka West Jaiñtia Hills District ula phah ïa ka shithi sha u President ka JFE&PA ba la khang pyrshah ban pynlong ïa ka jingïakop khwai dohkha (Fishing Competition) haka 28 tarik u Nailur, 2024 hapoh u pud u sam jong ka Dorbar Shnong Panaliar, Jowai.
Katkum ka shithi, u DC la pyntip ka jingkhang ban pynlong ïa kane ka jingïakop khwai ka long hadien ba la ïoh ka jingujor na u Waheh Shnong ka Dorbar Shnong Panaliar.
U Waheh Shnong ka Shnong Panaliar ula pyntip ba ka shnong kala pyrshah jur ïa kiba pynlong ïakop khwai haka 28 tarik u Nailur hapoh u pud u ang ka Shnong, ha kaba ka shnong kan sa buh ruh ïa ki Volunteer ha ryngkat ka jingdon lang ki pulit ban pahara ha katei ka sngi.
La ïoh jingtip ka jingïakop khwai ba la khot pynlong da ka JFE&PA ha katei ka sngi 28 tarik u Nailur kan long hi kaba ïaid beit ïaid ryntih kumba la dep pynbeit, lait noh tang ha ki jaka ba hap hapoh ka shnong Panaliar. La kyntu ïa baroh ki nongkhwai kiba la dep ban thied ïa ki tiket kin ïashim bynta laitluid.Kum ban shu pynkynmaw ki khusnam (Prize) sha ki nongjop kiba ïoh ïa ki Dohkha Pnar bad Dohkha Dkhar ki long kumne 1st Prize: 10,000/-, 2nd Prize: 5,000/-, 3rd Prize: 3,000/- hajar tyngka.
