Jowai, Naitung 02: Mynta ka sngi ka Khasi Students’ Union (KSU) Jowai Unit hapoh ka jingïalam u samla Nidapoi Shadap General Secretary Jowai Unit bad ki dkhot jong ka, ha ryngkat ka jingsynrad lang u Saimon Dkhar uba long u Organising Secretary Jowai Circle ki la leit khang Tala ïaka Bandhan Bank kaba don ha Ladthadlaboh Jowai.
Ïa kane ka jingleit Khang Tala ka seng ka dei namar ba kim burom ïaka sngi kyrpang jong ka jaitbynriew Khasi Pnar.
Ka seng hi kala lap manla ka por shi ka por ïaka jingleh jong kane ka Bank bad la maham lada ka seng ka dang lap nangne shakhmat ba kim burom ïaki sngi kyrpang jong ka jaitbynriew kam ban se ban leh daka wei pat ka sien jam la bynrap u Ewanmi Phawa President Jowai Unit.
