Shillong, Nailar 13 : Ka sorkar jylla ha ka sngi Thohdieng ka la pynmih ïa ka hukum ba ki nongtrei sorkar baroh ha ka jylla kiba kynthup ïa ki nongtrei ha ki PSUs/ Boards/ Associations/ Corporations/ Societies kiba long trai da ka sorkar ba kim dei ban pyndonkam ïa ki social media namar ka pynkheiñ ïa ka Rule 8 jong ka Meghalaya Services (Conduct) Rules, 2019.
Kat kum ka jingpyntip na ka sorkar la ong ba kat kum ka Rule 8 jong ka Meghalaya Services (Conduct) Rules, 2019 ka ong ba, “Ym shah ïa uno uno u nongtrei sorkar ban pydnonkam social media ha ki kyrteng lajong ne da kaba pyndonkam da ki kyrteng thok , bad ym shah ruh ban kren sha ki lad pathai khubor ban pynpaw ïa ka jingsngew ne ka jingshem lajong
1. Kaba lah ban ktah matïong ïa kino kino ki policy bad ki rukom treikam jong ka sorkar pdeng bad sorkar jylla ne
2. Kaba lah ban pynjah burom ïa ka jingïadei hapdeng sorkar jylla bad ka sorkar pdeng lane bad kiwei ki sorkar jong kiwei ki jylla North East.
3. Kaba lah ban pynjah burom ïa ka jingïadei hapdeng ka sorkar pdeng bad kiwei pat ki sorkar jong kiwei pat ki ri NE
Ka sorkar ka pyntip ba kitei ki kyndon kin ym treikam lada ki kren na bynta ka sorkar kat kum ka iktiar kaba la pynkup ïa ki.
Kane ka hukum ka la ïai ban ba lada pynkheiñ ïa ka Rule 8 ka Meghalaya Services (Conduct) Rules, 2019 ka sorkar ka lah ban pyntreikam da ka Departmental Proceeding.
