Jop u Phaibhakupar ïa ka Crystal Award 2022

0

Shillong, Nailar, 13: Ka rakhe ainam da ka khusnam na ka bynta ka thohdur ba la tip kum ka Crystal Gayle Memorial Award 2022 la pynlong ha paki dulan jong u Lat ka jylla. Ha kane ka rakhe ainam, u Bha R V Warjri, u nongkit-tiensyiem barim jong ka Ri India sha kylleng ka pyrthei u la long u kongsan ha ryngkat u Bah N Munish Singh, Zonal Director, Indian Council for Cultural Relations, Shillong bad Bah A Lakiang, Deputy Secretary to the Governor, Raj Bhavan Shillong kum ki symbud kongsan.
Kum ban kynmaw tympang ïa ka kam jong u Bah R. V Warjri ha ki Ri jong ka dewbah Europe, u la kren mardor ‘Ka Saiñkylla (Revolution) jong ki Ri Sepngi ka la kiew skong da ka khih mynsiem ha ka mattithaw (art movement) ka ba la kyrsoi da ka jingshitrhem bad len lade jong ki barikor, ki kaitor, ki myllung bad ki thohjer thohnam’. Ha ka ba nam ïa ki kam jong ka synjuk ki barikor, Riti Academy, u Bah Warjri u la kyntu, ‘Ka mattithaw ka dei ka ba snoh rdin bad ki jynthaw ha ka mariang ba ki paidbah ki dei ban tip la ka kamram ban pynneh pynsah bad ba ym dei ban tip tang kumno ban dawa ïa la ka hok khlem da kitkhlieh ïa la ka khyndew bad ka mariang ha la Ri lajong’.
Ïa ka Khusnam Mattithaw ne Crystal Award 2022 for Excellence in Visual Arts la ïoh pdiang da u Bah Phaibhakupar Kharlukhi halor ka jingtbit ba kynsai ha ka thohdur ka ba phalang ïa ka jingim jong ki briew ha shnong ha thaw ïa ka ba ym ju kham jia shuh ha ka juk mynta. Ka jinjanai bad sani ha ka kam jong u ka la long u mawmer ban jop ïa ka thong jong ka khusnam mattithaw ban kynmaw tympang ïa ka samla Crystal Gayle ka ba la khlad naduh u snem 2017.
La ainam ïa ka khusnam da u kongsan, Bah Mr R V Warjri, ha ryngkat u Bah N Munish Singh, Zonal Director, Indian Council for Cultural Relations, Shillong, Bah A Lakiang, Deputy Secretary to the Governor, Raj Bhavan Shillong bad Bah Raphael Warjri, Chief Creative Director, Riti Academy of Visual Arts. Ha kane ka sngi la rwai sngewnguh ruh da ka Dalariti Kharnaior ka ba dei ka para jong ka samla Crystal Gayle.
Ha kaba kynmaw tympang ïa ka samla Crystal Gayle, u Bah N Munish Singh, Zonal Director, Indian Council for Cultural Relations, Shillong u la kren myllung shaphang ka jingshem jong u ha ka kam sawangka ka ba la shon shab ha ka dohnud jong u.

 

Leave A Reply

Your email address will not be published.