Shillong, Kyllalyngkot 3: Ki pulit jong ka nongbah Shillong ha ka miet leh kmen snem thymmai kila pynlong ka jingpeitngor ba jur ba kan nym don kano kano ka jinghuri hura ha kane ka lehkmen snem thymmai 2023.
Ha pdeng kne ka jingleh kmen ki pulit kila ïoh jingtip ba ki don ki nongkhaïi drok kiba la ïaid sawdong kane ka nongbah Shillong ban tyrwa ha ki khynnah samla ha kane ka por lehkmen bad da ka jingbud dien ki pulit la ïoh ban kem ïa kine ki nongkhaïi drok.
Ha kane ka jingap ktem ki pulit kila ïoh ban kem ïa u Damanbha Ryngksai 26 snem, na ka met jong u ki pulit kila ïoh ban kurup 28 song kiba rit, ka pisa T.6240 /- tyngka, ar tylli ki mobile phone, kane ka long katkum twitter kaba la thoh da u Director General ki Pulit ka jylla U Dr. L R Bishnoi.
