Jowai, Jylliew, 30: Ki pulit ka West Jaiñtia Hills hadien ka jingïoh kem ïa u Jimmy Sutnga dang ha kine ki khyndiat sngi ba la dep, mynta ka sngi thohdieng ha ka por dangstep 3 baje eiei la ïoh kem sa ïa uwei u snar nongdie drug hapoh ka sor Jowai ïa uba la tip kyrteng kum u Sdangki Myrphet.
Na une u nongdie drok ba hakhmat eh ha Jowai ki Pulit ki la ïoh kurup haduh 4.61 grams ba la pynshisha ba dei u Drug, ka pisa T.1,90,500, kawei ka kali Alto 800 khlem u Registration No.
Ki pulit kiba ïoh ruh ban kurup ïa ki jingthep sabon, ki tin duma golden, ki tyndong rit bad kiwei de kiba pyndonkam ban thep ïa u Drug.
Ïa u Sdangki Myrphet ki Pulit ki la pynngat katkum ki kyndon aiñ bad ba hapoh kane ka taïew ki Pulit ki la ïoh kurup 6.02 grams u drok. Ki pulit kin dang trei shitom mynta ban pynduh jait ïa kane ka jingkhaïi drok beaiñ hapoh ka West Jaiñtia Hills hi baroh kawei.
