Shillong, Nohprah, 19: Ki Pulit jong ka East Khasi Hills District Executive Force kiba la ïoh ïa ka jingtip kaba bniah na ki tnat syntiat ha ka ha ka sngi Palei ki la pynlong ïa ka jingkhynra ha ka shnong Madanrting, Shillong. Arngut kiba la shah kynnoh ki la shah kem ha ki Pulit bad uwei na ki u dei u khynnah uba dang hapoh 18 snem ka rta.
U kyrwoh ba la phah da u Superintendent of Police, East Khasi Hills Bah S. Nongtnger u la pyntip ba ha ka jingkhynra ki Pulit ki la ïoh kurup hynriew synduk thep sabon ïa u powdar ba la suba ba u dei u drok heroin uba khia 60.98 gram bad ar tylli ki mobile phone.
La rejistar Criminal Case katkum ki kyndon aiñ kiba ïadei bad ka jingïoh kurup bad ka jingtohkit ka dang ïaid shakhmat ban lap ïa ka tyllong jong une u drok ban lap bad ban pyndkut ïa kiba donkti ha kane ka kam khaii beaiñ.
Kane ka jingkhynra ba seisoh ka long kum shi bynta ban pynjur ïa ka jingtreikam da ka East Khasi Hills DEF ban ïakhun pyrshah ïa ka jingpynrung ïa u drok hapoh ka District bad ban ïada ïa ka imlang ka sahlang na ka jingshah ktah ha u drok, la ong u SP.
