Shillong, Rymphang 19: Ki Pulit ka Jylla Assam hynne ka sngi kila ïoh ban kem ïa arngut ki suba Nongkhaii masi kiba dei na Meghalaya bad ïoh kurup ruh ïa kawei ka trok kaba kit haduh 28 tylli ki masi.
Ïa kine ki nongkhaii la ïoh ban kem ha Raha, jong ka Nagaon District katba ki dang kit ïa kine ki masi ha ka trok AS01-JC-9256.
Halor ki jingtip ba thikna ïa ka jingïaid kane ka trok kit masi na Sivsagar sha Byrnihat, ki Pulit ka Raha Police Station kila pynap ktem ïa kane ka kali.
“Haba kane ka kali kala poi ha ka thaiñ Saragaon, ka kynhun ki Pulit kala pynsangeh ïa kane ka kali hynrei u nong niah ula phet khlem ka jingriej ïa ki Pulit” ong ki heh Pulit na Assam haba ïathuh ba ïa ki masi la kit noh sha kawei ka Gaushala kaba don ha Nagaon.
Kine ki arngut kiba shah kem ki dei u nongniah ka kali bad u nongbud kiba kyrteng u Arki Dkhar bad u Soniki Tariang kiba dei na West Jaiñtia Hills District