Shillong, Nohprah, 03: Ki shipai BSF ka 193 Battalion kiba ap pahara ha khappud bad ka ri Bangladesh ha ka thaiñ Dangar, East Khasi Hills District ha ka sngi Baar ki la ïoh kem saw ngut ki nong India bad kurup ar trok ka shini ba thmu ban shalan beaiñ sha ka ri Bangladesh.
Ki ar tylli ki trok kiba la shah kem ha ki BSF ki don ïa u nombar ML-12 3843 bad ML-05 AD 3614.
Ki shipai BSF ki ïathuh ba ka shini ba la ïoh ban kurup na kine ki ar tylli ki trok ka shong dor palat T.10 lak bad ïa kine ki kali la ïoh bat ha ka por mynstep.
Hadien ba pyndep ïa ka jingtohkit katkum ki kyndon, la aiti noh ïa ki saw ngut kiba shah kem bad ïa ka trok bad ïa ka shini sha ka ophis Custom kaba don ha Dangar, East Khasi Hills District.
