Nongpoh, Nailur 04: Ki paidbah ka Umiam ha Ri-Bhoi kila tied bad bom jem ïa uwei u nongtuh hynnin ka miet sngi U Blei hadien ba u tei u nongtuh u ba bat ruh daka tiar siat u la leit ban prong tuh ha kawei ka iing jong kawei ka longkmie bad pynap ruh da ka pistol ban byrngem siat ïaka. Kat kum ka khubor pulit, la ïathuh ruh ba une u nongtuh la tip kyrteng kum u Bartan Marak ba 37 snem ka rta, uba dei u nongshongshnong ka Garogaon, Rawta, Sub-Division Udalguri, Assam.
Ki pulit ki ïathuh ba une u briew ula leit rung tuh ha ka Iingsah jong katei ka longkmie bala tip kyrteng kum ka Kong Moureen Kharnaior kaba don ha MIDC, Umiam ryngkat ki riam shipai bad ula pynap ruh da ka pistol bad byrngem siat ïaka hynrei hadien ba utei u nongtuh u la pyrshang ban phet krad na katei ka jaka u la kynthih na kawei ka kynroh haduh ba un da kdiah ka kjat bad khlem lah shuh ban phet ha kaba ki paidbah kila iohkem ïa une u briew bad kila bomshnong haduh ba un da jem jai bd mynsaw jur ha kaba la pynkit noh ïa u sha Civil Hospital Shillong ban ioh ka jingsumar hadien ka jingmynsaw kaba jur.
Ki pulit kila lap ba une u nongtuh ula pyndonkam da ka suloi siat sim lane air pistol ban leh ïa kane ka kam tuh bad lute bad naka liang ki trai iing kila ujor ruh da ka ejahar ha Umiam Police Station ban leh ïa kaba donkam bad ka jingtohkit ka dang ïaid shakhmat.
